Familja e tmerrshme

Tek “Familja e tmerrshme” kam dashur të studioj temperamente e jo karaktere. Këtu qëndron arsyeja e ekzistencës së librit. Kam zgjedhur personazhe të dërrmuara prej nervave të gjakut, të privuara nga vullneti i lirë, të shtyrë për të vepruar në jetë nga fataliteti i mishit. Tereza e Lorenci janë kafshë nën lëkurën e njeriut, asgjë më shumë. Kam kërkuar të ndjek nga afër te këto kafshë punën e shurdhët të pasionit, shtysën e instinktit, turbullimet e trurit, që ia behin papritmas si pasojë e një krize nervore. Dashuritë e protagonistëve të mi janë përmbushja e thjeshtë e një nevoje: vrasja që kryejnë është vetëm një pasojë e tradhtisë bashkëshortore, pasojë që e pranojnë sikurse ujqërit pranojnë vrasjen e deleve.