Jeta dhe fati

Përmes përgjithësimeve të goditura dhe trajtimit të problemeve universale, Grossman ka arritur të na përcjellë me realizëm një portret të saktë të qenies njerëzore. Ai ka mundur të na e shpalosë të plotë tragjedinë historike të popullit rus, që mundi të siguronte fitoren mbi armikun e egër e të fuqishëm, edhe pse së brendshmi sfilitej e dhunohej prej regjimit totalitar, fals e antinjerëzor. “Grupimet njerëzore kanë të drejtën e tyre që të pohojnë për të qenë të ndryshëm, që të jenë të veçantë, të mendojnë, të ndjehen dhe të jetojnë në mënyrën e tyre individuale, të kenë drejtën për të qenë të pavarur”. Toleranca ndaj këtyre individëve nuk duhet të konsiderohet si një “tradhëti” ndaj shoqërisë apo shtetit.