Viti 93

“Viti ’93” është kryevepra e fundit në prozë e autorit të njohur, e cila trajton temën e Revolucionit Francez. Hygo paraqet madhështinë e gjithçkaje që ndodh në Francën e asaj periudhe, të pasur me ngjarje dramatike dhe intensive. Romani spikat për karakterin epik të tregimit, momentet dramatike dhe personazhet, të cilët përfaqësojnë elemente të ndryshëm të ngjarjeve të mëdha të revolucionit dhe shpalosin idetë e autorit në një mënyrë të gjerë dhe të thellë. Përmes veprimeve dhe figurave heroike krijohet një tablo ku ngjarjet dhe detajet përbëjnë një bashkëjetesë harmonike: një pasqyrë e vitit të madh të revolucionit në Francë.