Vajza e kapitenit

Fragment nga libri: Im atë, Andrej Grinjovi, kur kishte qenë i ri kishte shërbyer pranë kontit Minih dhe kishe dalë në pension me gradën e majorit të parë në vitin 17… Që prej asaj kohe ai kishte jetuar në fshatin e tij, në Simbirsk dhe atje ishte martuar me Avdotja Vasiljevna Ju., e cila ishte bija e një fisniku të varfër të atij vendi. Ishim nëntë fëmijë. Motrat dhe vëllezërit më vdiqën që kur ishin të vegjël. Isha akoma në barkun e nënës, kur më regjistruan si reshter në regjimentin e Semjonovskit me ndërhyrjen e majorit të gardës princit B., që ishte kushëriri ynë i parë.