Berberi, djali i prapë mjekrosh, parapëlqen ta jetojë jetën e tij ashtu siç i pëlqen të pijë kafen: vetëm.
Po të mos llogaritet qeni i tij, Uejloni.
Noksi nuk e duron dot dramën edhe kur ajo vjen në formën e një nuseje të arratisur që gjendet në vështirësi.
Naomi nuk po arratisej vetëm nga dasma e saj.
Po vraponte të shpëtonte binjaken e saj të larguar që jetonte në Nokemaut të Virxhinias, një qytet i vogël dhe i pazhvilluar ku konfliktet zgjidhen në mënyrën tradicionale…
me grushte dhe birrë. Zakonisht, në atë renditje.
Shumë keq për Naomin që binjakja e saj e keqe nuk ka ndryshuar aspak.
Pasi ka përvetësuar makinën dhe paratë e Naomit, Tina i ka lënë peshqesh edhe diçka të papritur. Mbesën, që Naomi as e dinte se ekzistonte. Tani, kur ka kapërcyer të tridhjetat, ajo ka ngecur në qytet pa makinë, pa pará, pa një plan, pa shtëpi dhe me një vajzë njëmbëdhjetëvjeçare për të cilën duhet të kujdeset.
Ka një arsye pse Noksi nuk ngatërrohet e as u vjen rrotull femrave në nevojë, sidomos atyre që nuk janë romantike.
Por duke qenë se jeta e Naomit shpaloset mu përpara syve të tij, më e pakta që ai mund të bëjë është ta ndihmojë të dalë nga telashet.
Dhe sapo ajo të stabilizohet e të mos ketë telashe të reja, ai mund ta lërë vetëm e t’i kthehet jetës së tij të vetmuar e paqësore.
Të paktën, ky është plani, derisa telashet shndërrohen në rrezik të vërtetë.
Komente
Nuk ka ende komente