Ky roman përqendrohet në aventurën e Feribes në Qendrën e Shkatërrimit të së Kaluarës, ku ajo shkon për të hequr qafe kujtimet e saj të bukura, që i lanë pas hidhërimin e një zemërthyerjeje.

“Lepuri është i pasur” (1981) është fitues i çmimit Pulitzer (1982), i Çmimit Kombëtar të Librit (1982) i Çmimit Kombëtar të Rrethit të Kritikëve të Librit (1981). Personazhe të reja dhe të vjetra rishfaqen në këto skena të moshës së mesme të Lepurit, ndërsa ai vazhdon të ndjekë, ashtu siç di ai, ylberin e lumturisë.

Asnjë tregim nuk ngjan me tjetrin dhe lexuesi do të dyzohet, a t’i lexojë me shpejtësi apo të shijojë mençurinë dhe energjinë e harbuar të Chung-ut në çdo faqe. “Lepurushi i mallkuar” është një libër që bërtet ta lexosh natën vonë dhe që duhet të kalojë te duart më të afërta ditën tjetër.

Të flasësh me letërsinë dhe me personazhet është një proces tejet i komplikuar. Këtë ka bërë edhe Agim Baçi, i cili iu ka dërguar letra personazheve më të njohura të letërsisë botërore. Dhe në përfundim të letërkëmbimit, e dini se çfarë ndodh: Shumë prej përgjigjeve gjenden brenda teje, por ato i mësoni dhe zgjoni botën tuaj me këtë libër.

Një libër i mbushur me ndjenja, një histori dashurie pasionante, por sidomos një himn për leximin, si një nga çastet më të bukura shoqërore që mund të provojë njeriu. Një libër që ju drejtohet të dashuruarve, zemrave të thyera, si dhe librarëve si shëruesit e shpirtit nëpërmjet leximit.