Gjatë rrugës, Sali rrëfen historinë e çuditshme dhe emocionuese të shoqes së saj, Fibit. Me shtimin e kilometrave, ndërsa historia e Fibit bëhet gjithnjë e më e ndërlikuar, fillon të nxjerrë kryet historia e vet Salit. Duke shtjelluar të fshehtën e Fibit, Sali i afrohet gjithnjë e më shumë zbulimit të së vërtetës që fshihet pas udhëtimit të vet, që do të dalë mjaft i hidhur.

18 përralla të mrekullueshme, që do t’ju argëtojnë çdo mbrëmje kur t’i lexoni. Do të zhyteni në botën e tyre dhe do të zbuloni personazhe interesante dhe plot aventura të jashtëzakonshme. Do të takoni Pokun, kuqapikun çamarok, që nuk e njeh durimin; breshkën Tata, që shkon në një kontinent të ri dhe mrekullohet me çfarë gjen aty; piton kurreshtarin, që nuk i shpëton gjë pa marrë vesh. Ah, do të takoni edhe një hardhucë që i ka humbur bishti dhe merr rrugën ta kërkojë. Prisni, çudirat s’kanë mbaruar: do të njiheni me pesë shokë që duan të ndjekin modën! po për merimangën Mimi dhe tre elefantët, keni dëgjuar, vallë? S’do mend që jo! Se çfarë ndodh me ta, shfletoni librin dhe do të zbuloni ndodhi të pabesueshme.