Çfarë po kërkon, e gjen në bibliotekë

Një bestseller ndërkombëtar tejet tërheqës, ky roman japonez tregon se si sugjerimi i librit të përkryer mund t’i ndryshojë jetën lexuesit.
Çfarë po kërkon? Këtë pyetje bën bibliotekarja më enigmatike e Tokios. Sajuri Komaçi ia del edhe ta kuptojë me përpikmëri se çfarë po kërkon secili prej vizitorëve në bibliotekën e saj, edhe t’i sugjerojë librin e duhur që e ndihmon ta gjejë atë.
Një asistente shitjesh e shqetësuar po përpiqet të fitojë aftësi të reja, një nënë e re provon të tejkalojë uljen që i është bërë në detyrë pas kthimit nga leja e lindjes, një llogaritar i ndërgjegjshëm ëndërron të çelë një dyqan antikuarësh dhe një punonjës i sapodalë në pension kërkon një qëllim të ri në jetë.
Në sugjerimet unike të Komaçit, ata do të gjejnë atë çfarë u duhet për të realizuar ëndrrat e tyre. “Çfarë po kërkon, e gjen në bibliotekë” tregon për magjinë e bibliotekave. Kjo histori frymëzuese na rrëfen se si, duke dëgjuar zemrën, duke shfrytëzuar mundësitë që na jepen dhe duke iu afruar të tjerëve, edhe ne mund t’i arrijmë ëndrrat tona.