Jeta e njeriut mund të ndryshojë në një sekond të saj. Ky roman sjell këto paradokse në një Amerikë që i ka të gjitha dhe ku jeta e njeriut dhe e kafshës bëhen të parëndësishme në një moment. Mjeshtria e madhe në kapjen e këtyre paradokseve njerëzore e ka kthyer këtë roman në më të lexuarin dhe të votuarin në platformën më të madhe online, Goodreads.com

Unë jam e kuqja është një mister vrasjeje, por edhe një meditim për dashurinë dhe devotshmërinë artistike. Orhan Pamuk nuk mban anë kur shkruan nën presionin e të dyja anëve, por mban qëndrim. Zërat dhe kundërzërat e njerëzve dhe simboleve në këtë roman ikin dhe rikthehen vazhdimisht në kompleksitetin e tyre, për të provuar stilin dhe forcën e një shkrimtari si Orhan Pamuk.

Nëse e keni përjetuar ndonjëherë dashurinë e vërtetë të jetës suaj, atë dashuri që për një arsye a ndonjë tjetër ka qenë e pamundur të realizohej, do ta kuptoni pse lexuesit e të gjithë botës janë prekur kaq shumë nga ky roman, saqë e shndërruan atë në një dukuri të veçantë botimi dhe në librin më të shitur.