Nje gje e vetme eshte bestseller sipas gazetes New York Times, i cili jep rezultate te jashtezakonshme ne çdo fushe te jetes: te punes e te familjes, personale dhe shpirterore. Cila eshte gjeja jote e vetme – Numer Nje?
Fitzgerald-i është konsideruar si një nga autorët më të mirë amerikanë të shekullit XX dhe është nderuar me shumë çmime. Vepra e tij në prozë të shkurtër përfshin rreth dyzet tregime, prej të cilave janë përzgjedhur shtatë më përfaqësueset. Kjo përmbledhje, e kryesuar nga tregimet Një mal diamanti dhe Rasti i çuditshëm i Benxhamin Batënit, është një dëshmi e mjaftueshme e fuqisë artistike të një prej penave më në zë të historisë së letërsisë.
Kjo histori dashurie është një vështrim tejet i thellë në zemrat dhe në mendjet e tre njerëzve, të cilët në të njëjtën kohë janë të detyruar të veprojnë përtej mundësive të tyre. “Një martesë amerikane” është një kryevepër e rrëfimit, një vështrim intim i thellë në shpirtrat e njerëzve që duhet të përballojnë të kaluarën, duke ecur përpara, me shpresë e dhembje, drejt së ardhmes.
‘Ky është një roman atipik, pa vrasje dhe vrasës për t’u zbuluar, por fakti mbetet se ai është shkruar me një ironi therëse për racën njerëzore së cilës ne i përkasim”, – Varese News
Këto përralla magjepsëse, që flasin për histori të vërteta dhe të mbinatyrshme, dashuri dhe martesë, pushtet dhe ndëshkim, pasuri dhe varfëri, i rrëfen Sheherazadja. Përralla e parë ngjan me fillin, në të cilin mblidhen, porsi perlat, gjithë përrallat e tjera, e krijojnë një gjerdan të shumëçmuar rrëfenjash.
Në këtë libër, ti do të mësosh se si të marrësh vendime më të zgjuara për paratë dhe jetën tënde – vendime që mund të sjellin një ndryshim në botën tonë. Vendimi yt për një mundësi të dytë.
Tashmë në dorë të lexuesit shqiptar, “Një patriot leçez në Shqipërinë osmane”, do të rindezë pamjet e freskta të një Shqipërie pak të njohur e të një kryeqendre si Shkodra, ku jetonin pranë e pranë njerëz të kombësive të ndryshme, duke shqyrtuar kështu karakterin kozmopolit të Shqipërisë së kohës dhe ngjarjet që e karakterizuan atë.
Në këtë roman trajtohet jeta e njerëzve të lodhur nga përditshmëria. Personazhi kryesor, Mikeli, një gazetar deri diku idealist dhe i ndershëm, gjendet përpara shumë vështirësive në jetën profesionale dhe atë vetjake.
Pas librit “Fuqia e së tashmes”, Eckhart Tolle vjen te lexuesi me “Një tokë e re”. Një lexim thelbësor dhe i domosdoshëm për të gjithë. A jemi gati për një tokë të re? Më pak ego, më pak paragjykime, më pak mure e më shumë ura, drejt një toke të re ku zotëron harmonia. Është këtu. Tash.