Familja Grant në mes të detit

Zoti Grant duhet të dorezojë një PIRM (domethënë një Person i Rëndësisë së Madhe, kuptohet) te një njeri i caktuar në një kohë të caktuar. Por ka edhe njerëz të tjerë përreth që e duan PIRMIN për veten e tyre. Shto në këtë histori MekGint Këmbëshpejtën me karrocen me rrota, misteriozet Maks dhe Marta (që përdorin me radhë të njëjtën palë mustaqe) dhe Roder Lesenbin që e ka ngritur sjelljen e vrazhdë në art të përsosur dhe do të kuptoni pse djali i vjedhur i Grantëve, Sani, nuk di kujt t’i besojë… apo nëse Gishtoja, elefanti, do ta përmbysë anijen e do t’i bëjë të gjithë të mbeten në det. Familja Grant në mes të detit.