Nga njëra anë gruaja e bukur, xheloze e Klimës, e bindur se të gjitha gratë janë të destinuara të tradhtohen dhe që do ta nuhasë edhe këtë tradhti të re; djaloshi, i dashuri i infermieres, po aq xheloz; një gjinekolog fanatik që kuron gratë shterpa, por është gati të ndihmojë infermieren të dështojë; një pasanik amerikan, Don Zhuan dhe shenjtor; dhe një i burgosur politik i moshuar, viktimë e spastrimeve, që ka vendosur të emigrojë përfundimisht, i bindur se nuk ka të ardhme.

Tereza Boučková ka birësuar dy fëmijë me prejardhje rome, dhe më pas ka lindur fëmijën e saj. Dy fëmijët e adoptuar hynë në jetë, me besimin se dashuria njerëzore por edhe ndjesia e mëmësisë, do të bënin të mundur përballimin e çdo vështirësie.

Mirëpo të dy fëmijët, në adoleshencë fillojnë të shkëputen nga kontrolli i prindërve. Ata fi lluan të bëjnë një jetë pa rregulla, duke shkaktuar dhunë dhe kryer vjedhje, madje edhe brenda shtëpisë së tyre.

Sjellja e tyre shkakton në mënyrë të pashmangshme, një sërë veprimesh dhe reagimesh të pakontrolluara të cilat përshkallëzohen duke përfshirë të gjithë anëtarët e familjes, ku askush nuk mund ti shpëtojë tensionit dhe situatave negative.