Për dy vjet me radhë, Isaacson e ka ndjekur Musk-un ngado, ka marrë pjesë në mbledhje bashkë me të, e ka shoqëruar nëpër kompanitë e tij, ka kaluar orë  të tëra duke intervistuar vetë Elon-in, familjarët dhe miqtë, kolegët dhe rivalët. Kjo është një histori intime dhe e pasur me shumë anekdota të panjohura nga jeta e tij, një rrëfim i jashtëzakonshëm triumfesh dhe trazirash.

Tina Turner – këngëtarja e dashur dhe legjendare – vjen me një libër thellësisht personal dhe frymëzues që zbulon mençurinë e fituar falë udhëtimit të saj drejt gëzimit dhe ofron një udhërrëfyes praktik për të gjetur lumturinë në jetën tuaj. “Lumturia je ti!” përfshin një album të veçantë fotografish me imazhe të rralla dhe të papublikuara më parë të Tina Turner nga vitet 1970 e deri më sot. Ky libër shërben edhe si udhërrëfyes praktik për një jetë të lumtur!

Në vitin 2017, gazetarja Alice Taylor, duke kërkuar një drejtim të ri në jetë, pas vrasjes me egërsi në Maltë të koleges së saj, Daphne Caruana Galizia, përfundoi në Shqipëri për një pushim treditor. Përgjatë një zinxhiri të çuditshëm ngjarjesh, puna e solli që ajo të rrinte, të ndërtonte jetën, të krijonte familje dhe të zhvillonte një pasion të thellë për “shtëpinë e saj të re”. Ajo ka shkruar gjatë e gjerë rreth vendit dhe e ka mbuluar për mjetet e informacionit vendase dhe ndërkombëtare.

Ky është një libër që dëshmon për çiltërsi dhe sinqeritet të jashtëzakonshëm, një libër që të ngërthen, të ngacmon, të prek, një libër me rëndësi jetike. Sepse, ajo që i ndodhi Salman Rushdie-s ishte akti i parë i një drame që shpaloset çdo ditë në ndonjë vend të botës.

Iu rrëzuan akuzat Xhulio Andreotit për bashkëpunim me Cosa Nostra-n?