‘Legjenda dhe Portrete”, Cvajg e konturon si një libër që përmes përshkrimeve, portreteve dhe legjendave që nga zanafilla e njerëzimit, ndihmon për të kuptuar shekujt e kaluar, si dhe për t’i konceptuar si të qenësishme edhe tani, në kohët moderne.

Të gjithë ata që sadopak kanë lexuar rreth krijimtarisë së shkrimtarit të madh austriak, Stefan Cvajg, duke përfshirë tregimet e tij, romanet , letër-këmbimet dhe biografitë që ka shkruar për shkrimtarë, filozofë e poetë të ndryshëm, nuk kanë sesi të mos magjepsën nga fuqia e papërshkrueshme dhe e papërsëritshme e gjenialitetit të tij krijonjës. Duke e pasur të pamundur të analizoj në tërësi krijimtarinë e tij, sidoqoftë, më duhet të fokusoj vëmendjen sall tek një novelë, e cila, po të ndjehet më tërë qenien, të rrëmben pashmangshëm në kompleksitetet e pazgjidhshme të dashurisë.