Duke u mbështetur në shënimet e ditarit të gjyshit të tij, në kujtimet e fëmijërisë dhe në historitë e treguara nga pikturat e Urbainit, Hertmans ka ndërtuar një rrëfenjë romantike të gjyshit dhe të sjellë në jetë me forcën e madhe të imagjinatës detaje të gjalla. “Lufta dhe Terpentina” është një vepër magjepsëse për një jetë që përkoi me tragjedinë e një shekulli… dhe një përpjekje pothuajse mitike për t’i dhënë pas vdekjes, një zë të besueshëm asaj jete.

Një foshnjë e lindur në kazermat e Aushvic Birkenaut në tetorin e vitit 1944. Një sonatë e kompozuar nga një oficer i ri gjerman, në të njëjtën datë, po në Aushvic. Dy histori që kryqëzohen dhe që plotësojnë njëra-tjetrën. Disa dekada më vonë, Amalia, vajza portugeze e një babai gjerman, fillon të heqë velin që mbulon të kaluarën naziste të familjes, nëpërmjet një partiture muzikore të gjetur, e nënshkruar nga gjyshi i saj Friedrik dhe e titulluar “Për Hajan”.

“Hajdutja e pafumeve” është një roman dehës mbi jetën e çmendur të nëndheshme të Parisit të pushtuar nga nazistët. Në çdo faqe të tij ndjehen aromat magjepsëse të parfumit…