Metamorfoza

Një mëngjes, Gregor Zamsa zgjohet nga ëndrrat e mundimshme dhe gjen veten në shtrat, shndërruar në një kandërr të pështirë.

“Metamorfoza” është një nga veprat më të rëndësishme të letësisë së shekullit të njëzetë.

Historia e Gregor Zamsës, një tregtar udhëtar që shndërrohet krejt papritur në një insekt, ngërthen në vetvete një rrëfim të thellë mbi vetminë, zhgënjimin dhe ankthin ekzistencial.

Ndërsa Gregori përpiqet të pajtojë njerëzoren brenda vetes me këtë shndërrim të pakuptimtë, Kafka, me mjeshtëri të rrallë, e end lexuesin në një rrjet që trajton absurditetin e ekzistencës, tëhuajtësimin e jetës moderne dhe ashpërsinë e pushtetit autoritar, duke e vënë atë përballë një ndjenje të thellë tronditjeje dhe krize identitare.

“Atë që përfaqësonte Dante dhe Shekspiri në kohët e tyre, e përfaqëson Kafka për tonën.” George Steiner