Arti i të thënit jo

TË MËSONI T’U THONI JO TË TJERËVE është një nga aftësitë më të rëndësishme që mund të zhvilloni. Kjo aftësi do t’ju japë mundësinë që të ndiqni interesat tuaja, si profesionale ashtu edhe personale. Në këtë mënyrë, do të rrisni produktivitetin tuaj, do të përmirësoni marrëdhëniet ndërpersonale dhe do të pajiseni me atë qetësi dhe besim të brendshëm që aktualisht ju mungon.

AFTËSIA E TË THËNIT JO ËSHTË LEHTËSUESE, por ta praktikosh është shpesh shumë e vështirë. Për shumë persona, kjo do të thotë të eliminojnë dhe ndryshojnë sjellje të zhvilluara dhe të praktikuara prej vitesh. Për ndonjërin, përfitimi i aftësisë për të thënë jo, do të sjellë shpëtimin nga një jetë e tërë, e përbërë nga kushtëzime dhe indoktrinime, të marra nga prindër, të afërm, mësues, eprorë dhe kolegë.