“Një libër shumë origjinal, prekës dhe, në fund të fundit, inkurajues.” Sunday Mirror “Veronika vendos të vdesë” , me format dhe dizajn të ri, dhurata që gëzon gjithkënd! *** Njëzetekatërvjeçarja Veronika duket sikur ka gjithçka – rininë dhe bukurinë, të dashurin dhe një familje që e do, si edhe një punë përmbushëse. Por diçka duket se mungon në jetën e saj. Kështu që, një mëngjes të ftohtë nëntori, ajo merr një grusht pilulash gjumi, duke pritur që të mos zgjohet më kurrë. Megjithatë ajo zgjohet, në një spital psikiatrik ku i thuhet se i kanë mbetur vetëm disa ditë për të jetuar. I frymëzuar nga një ngjarje të përjetuar nga vetë autori, “Veronika vendos të vdesë” vë në pikëpyetje kuptimin e çmendurisë dhe përkrah individët, të cilët nuk përshtaten me modelet që shoqëria i konsideron normale. Veronika është portreti mahnitës i një gruaje të re, në kryqëzimet e dëshpërimit dhe çlirimit, kësisoj duke dhënë një mesazh që çdo ditë ta shohim si një mundësi ripërtëritjeje.