Ky libër është një hyrje në teoritë klasike dhe moderne të demokracisë. Ai kap një diapazon të gjerë që shtrihet nga teoria e Aristotelit mbi format e shtetit deri te teoritë e demokracisë së sotme, duke shqyrtuar nivelin e tanishëm të studimeve krahasuese ndërkombëtare mbi demokracinë. Libri paraqet tipet më të rëndësishëm të demokracisë, duke i klasifikuar demokracitë në bazë të performancës së tyre më të mirë. Ai studion edhe premisat në të cilat funksionon demokracia, duke sqaruar kushtet në të cilat proceset demokratike mund të jenë të suksesshëm apo të pasuksesshëm. Po ashtu, libri shqyrton edhe çështjen nëse Bashkimi Europian po vuan nga deficiti i strukturave të demokracisë. Përveç kësaj, në këtë vëllim bëhet fjalë si për anët e forta të demokracisë ashtu edhe për dobësitë e saj. Këtu merret në shqyrtim potenciali performues i demokracisë, duke e krahasuar atë me jo demokracitë. Mbi këto baza në përfundim jepen prognozat e të ardhmes së demokracisë.