“Leksione kimie” është historia e një gruaje të paepur, që bie dhe ngrihet shumë herë; është aventura e një ekzistence që përmbys skemat dhe çel një udhë të re, pavarësisht gjithçkaje. Me Elizabetë Zotën qeshet dhe qahet. Është ajo që dikton ritmin, që na tregon se kur duhet ecur kryelartë dhe kur është e pamundur diçka e tillë. Dhe tekefundit, duket se kërkon të na thotë që të mos ndalemi kurrë.