Lidership

Në librin e tij “Lidership”, Kisinger analizon jetët e gjashtë udhëheqësve të jashtëzakonshëm nëpërmjet strategjive të dallueshme të shtet-qeverisjes, të cilat ai beson se ata i mishëronin. Pas Luftës së Dytë Botërore, Konrad Adenaueri arriti të fuste sërish Gjermaninë e mposhtur dhe moralisht të falimentuar në bashkësinë e kombeve, nëpërmjet asaj që Kisinger e quan “strategjia e përvuajtësisë”. Sharl Dë Goli e vendosi Francën përkrah Aleatëve fitimtarë duke ringjallur madhështinë e saj

historike falë “strategjisë së vullnetit”. Gjatë Luftës së Ftohtë, Riçard Niksoni u dha avantazh gjeostrategjik Shteteve të Bashkuara falë “strategjisë së ekuilibrit”. Pas njëzetepesë vitesh konflikti, Anuar

Sadati futi një vizion paqeje në Lindjen e Mesme, falë “strategjisë së tejkalimit” të problemeve. Kundër të gjitha vështirësive, Li Kuan Ju krijoi një qytet-shtet të fuqishëm, Singaporin, nëpë nëpërmjet “strategjisë së ekselencës”. Ndonëse kur ajo erdhi në pushtet, Britania e Madhe njihej si i sëmuri i Europës, Margaret Thaçeri arriti të ripërtërinte moralin dhe pozicionin ndërkombëtar të vendit të saj, falë “strategjisë së bindjes”.

Në të gjitha këto studime, Kisinger sjell perceptim historik, përvojë publike dhe nisur nga fakti që ai i njihte të gjithë këta njerëz, duke qenë edhe vetë pjesë e shumë ngjarjeve që ai përshkruan edhe dijen personale. Ky libër është i pasuruar me mendime dhe gjykime të tilla të mprehta, siç mund t’i jepte vetëm ai, dhe përfundon me reflektimet e tij rreth rendit botëror dhe domosdoshmërisë së udhëheqjes sot.