Kënga e profetit

Kënga e profetit është një vepër tejet origjinale, që të trondit dhe të rrëmben në vorbullën e saj të pandalshme. Ajo paraqet njëherazi një panoramë të shkatërrimit të një vendi në luftë dhe një portretizim thellësisht njerëzor të betejës së një nëne për ta mbajtur familjen e vet të bashkuar.Proza e Paul Lynch-it përpiqet të paraqesë me sa më shumë vërtetësi mënyrën se si funksionon mendja e njeriut dhe se si i ngjan ajo një përroi të pandalshëm, ku e tashmja ngërthehet pazgjidhshmërisht me të shkuarën e të ardhmen, realiteti me ëndrrën, dëshira me frikën.