F?mija brenda teje

“Fëmija brenda nesh” është pjesë shumë e rëndësishme e pavetëdijes sonë, një përmbledhje e frikërave, shqetësimeve, nevojave, të cilat i kemi përjetuar që në fëmijërinë e hershme. Eksperiencat negative dhe pozitive gjatë fëmijërisë janë të ngulitura thellë në pjesën tonë të pavetëdijshme. Të parat qëndrojnë eksperiencat negative, të cilat na krijojnë vështirësi kur rritemi. Sepse “Fëmija i Brendshëm” përpiqet që t’i largojë ngjarjet lënduese të përjetuara në fëmijëri. “Fëmija ynë i Brendshëm” në një mënyrë të pavetëdijshme ka një ndikim të madh te ndjenjat, mendimet dhe veprimet tona. Madje, shumë më tepër nga ajo që mund të kuptojmë. Por si mund ta rifitojmë mungesën e besimit? Fëmija brenda nesh duhet ta rigjejë folenë, shpjegon psikoterapistja Stefanie Stahl. Pasi, ai që nuk e ka një fole të brendshme nuk gjen dot as edhe një të jashtme. Marrëdhënie të lumtura nëpërmjet besimit të hershëm. Të gjithë kemi nevojë për t’u ndierë të pranuar dhe të dashur. Vetëvlerësimi dhe besimi i hershëm krijohen gjatë fëmijërisë dhe na shoqërojnë gjithë jetën. Eksperiencat jo të mira ndikojnë dhe përcaktojnë në mënyrë të pavetëdijshme ndërtimin e marrëdhënieve tona. Autorja e suksesshme Stefani Stahl sjell një qasje të re e të dobishme rreth “Fëmijës së Brendshëm”, në të cilën trajtohet “Fëmija i lënduar i Errësirës”. Aty gjenden Fjalitë Bindëse negative dhe ndjenjat që lindin si pasojë e tyre. Nëse arrijmë të miqësohemi me të, shfaqet “Fëmija i Dritës”- një qenie e fortë dhe plot energji, që na mundëson marrëdhënie të lumtura.