“Arti, prej zanafillës te Van Gogh” përmbledh rreth 450 vepra të zgjedhura, sidomos të artistëve, që me vizionet e tyre origjinale zgjeruan kufijtë e gjuhës së pikturës. Janë pikërisht ata artistë që mbajnë parasysh edhe larminë, pasurinë dhe veçoritë jo vetëm të periudhës historike, por edhe të artistëve të veçantë, sepse çdo artist meriton trajtim të posaçëm, qoftë si shprehje e një prirjeje të caktuar, por sidomos si bartës të një vizioni të ri të botës.

Libri është i lehtë për t’u qëmtuar, mjaft praktik si dhe përmban riprodhime të kryeveprave të kësaj periudhe. Shpresa jonë është që edhe lexuesi të mbetet i prekur nga kjo pasuri e madhe…