Alice in Albania

Shqipëria është një vend, i cili pasi qëndroi i mbyllur për gati 50 vjet nën një regjim totalitar, u hap me botën si lulja që çel. Ajo është një vend që ka mijëra vjet histori dhe kulturë, bukuri natyrore që të robërojnë dhe të magjepsin, dhe njerëz që do t’ju mirëpresin me krahë, zemër dhe mendje të hapur. Në vitin 2017, gazetarja Alice Taylor, duke kërkuar një drejtim të ri në jetë, pas vrasjes me egërsi në Maltë të koleges së saj, Daphne Caruana Galizia, përfundoi në Shqipëri për një pushim treditor. Përgjatë një zinxhiri të çuditshëm ngjarjesh, puna e solli që ajo të rrinte, të ndërtonte jetën, të krijonte familje dhe të zhvillonte një pasion të thellë për “shtëpinë e saj të re”. Ajo ka shkruar gjatë e gjerë rreth vendit dhe e ka mbuluar për mjetet e informacionit vendase dhe ndërkombëtare. “Alisa në Shqipëri: 250 aventura” është përmbledhje e disa prej përvojave të saj, dhe e përvojave që mund të keni edhe ju po qe se vendosni ta vizitoni atë. Të rrëfyera pa frikë, ose pa synimin për të bërë ndere, ato përfshijnë vende me interes kulturor dhe historik, të ngrëna e të pira, çudira kulturore, tradita, njerëz interesantë, dhe gjithçka tjetër. Ky libër është një udhëzues për këdo që ka interes për Shqipërinë, si dhe një foto e kapur aty për aty e një vendi që po pëson lëvizje vendimtare kulturore, demografike, sociale dhe infrastrukturore. Njerëzit kanë ecur më tej, vendet kanë ndryshuar dhe traditat po shuhen, por në këtë libër, ato mbeten të ruajtura, krahas fotove dhe rrëfimeve vetjake. Të kuptosh Shqipërinë nga brenda nevojiten më shumë se 250 aventura, por ky libër është një mënyrë e mirë për t’ia nisur.