Bija e Ishullit

Londër, në ditët e sotme. Ela gjen në kutizën e drunjtë që i dorëzon noteri, një foto bardhezi të një gruaje me një vajzë të vogël, si dhe një partiturë muzikore. Asgjë tjetër, veç këto dy gjurmë do ta ndihmojnë të zbulojë të shkuarën e familjes. Fotoja është shkrepur në Skopelos, në ishullin piktoresk grek, aty ku është xhiruar dhe filmi i famshëm Mamma Mia. Po cila është lidhja e saj me gruan në foto? Me gjasë, fotoja është çelësi i interpretimit të misterit të saj familjar. Por, pas një kohe të gjatë, Ela ndien se ka rënë në

dashuri. Ndaj, a është koha e duhur për të udhëtuar? Londër, 1967. Që kur Aleksandra është larguar nga Greqia, në të njëjtën kohë me ikjen e familjes mbretërore, ajo ka jetuar me tezen. Ka shumë mall për shtëpinë dhe vendin e lindjes, derisa zbulon dashurinë dhe talentin për muzikën. Kur takon violonçelistin e talentuar, Bernardin, një pasion i madh shpërthen mes tyre. Dhe, befas, asaj i duhet të marrë vendimin më të madh të jetës së saj…

Bija e ishullit, pjesë e serisë bestseller “Bijat e Shtëpisë Houp”, është një udhëtim që të çon në ishujt grekë plot diell dhe peizazhe përrallore, ku fshihet një sekret, që vetëm Ela mund ta zbulojë.