Mund ta shërosh jetën

Libri Mund ta shërosh jetën tënde ka pasur sukses në mbarë botën. Është një udhërrëfyes për shërimin e vetvetes dhe fuqinë e mendjes për të kuruar trupin. Ka transformuar jetën e miliona njerëzve. Në këtë libër frymëzues do të gjeni njohuri të thella mbi lidhjen ndërmjet mendjes dhe trupit. Një libër i shkëlqyer për të ristrukturuar jetën dhe për të zbuluar dashurinë për veten.Premisa kryesore e librit është se, për shkak se trupi dhe mendja janë të lidhur, sëmundjet e trupit në njëfarë mënyre e kanë origjinën në aspektet emocionale dhe shpirtërore të mendjes. Ndërkohë që mjekësia moderne fokusohet në eliminimin e simptomave në trup, duke përdorur mjete të tilla si ilaçet farmaceutike dhe teknikat kirurgjikale, qasja e Hay-t është të identifikojë dhe të luftojë ata që ajo i konsideron si shkaktarët mendorë të sëmundjeve. Hay beson se problemet shkaktohen nga stresi, strukturat e pashëndetshme mendore dhe besimet negative për vetveten. Ajo sugjeron se rruga themelore për të sjellë transformim pozitiv në trup është ndryshimi i mënyrës së të menduarit, duke përdorur metoda të tilla si “puna me pasqyrën” dhe pohimet. Në fund të librit listohen sëmundjet e shumta dhe strukturat mendore përkatëse që i kanë shkaktuar.