Në librin Rruga e Mashkullit Superior, David Deida eksploron disa nga temat më të rëndësishme në jetën e meshkujve – nga karriera dhe familja, te femrat dhe intimiteti në raport me dashurinë dhe spiritualitetin – duke ofruar kështu një libër me udhëzime praktike që ofrojnë një jetë energjike mashkullore me integritet, autenticitet dhe liri.
Përmes këtij autori bestseller dhe eksperti të mirënjohur ndërkombëtarisht mbi spiritualitetin seksual, do të mund të merrni këshilla të drejtpërdrejta, aftësi fuqizuese, praktika trupore dhe shumë më tepër, në mënyrë që t’ju ndihmojë që të mishëroni një jetë plot përmbushje, në mënyrë të menjëhershme dhe pa kompromise.
“Ka ardhur koha që të evoluojmë përtej idealit të mashkullit maço pa tru, i cili ka vetëm shtyllë kurrizore dhe aspak zemër,” shkruan David Deida.
”Ka ardhur gjithashtu koha që të evoluojmë përtej idealit të mashkullit të ndjeshëm dhe të kujdesshëm, i cili ka vetëm zemër dhe aspak shtyllë kurrizore.”
Rruga e Mashkullit Superior na përball me sfidën dhe shpërblimin përfundimtar për mashkullin e sotëm: aftësia për të zbuluar “unitetin e zemrës me shtyllën kurrizore” përmes shprehjes së plotë të vetëdijes dhe dashurisë për të qenë i hapur ndaj pafundësisë së momentit të tanishëm.
Komente
Nuk ka ende komente