Lepuri është i pasur

Heroi i romanit “Lepur, vrapo” (1960), dhjetë vjet pas ngjarjeve të “Lepuri kthehet” (1971), gëzon mirëqenie si drejtor i përgjithshëm i shitjeve në agjencinë e shitjes së Tojotave, Springer, në qytezën e Bruerit, Pensilvani. I ka arritur të gjitha: seksin, martesën, atësinë dhe një status të sigurt shoqëror në Amerikë, vendin e çudirave, ku ka filluar të ndihet një zvetënim i ngadalshëm. Është viti 1979: një satelit amerikan rrëzohet, vargu i atyre që furnizohen me naftë vetëm zgjatet dhe shtimi i inflacionit përkon me zvogëlimin e ndjenjës kombëtare të vetëbesimit. Megjithatë, Herri “Lepur” Engstrëm ndihet në formë të shkëlqyer, gati për të shijuar jetën më në fund, derisa i biri i pabindur, Nelsoni, kthehet nga studimet dhe atij i rishfaqet imazhi i një dashurie të vjetër… Personazhe të reja dhe të vjetra rishfaqen në këto skena të moshës së mesme të Lepurit, ndërsa ai vazhdon të ndjekë, ashtu siç di ai, ylberin e lumturisë.