Një mijë e një net

Një mijë e një net, përkthyer mjeshtërisht nga Sokol Çunga, njohur dhe si Përrallat arabe, është një përmbledhje rrëfenjash popullore që vijnë nga India, Persia dhe viset e gjera të Perandorisë Arabe. Këto përralla magjepsëse, që flasin për histori të vërteta dhe të mbinatyrshme, dashuri dhe martesë, pushtet dhe ndëshkim, pasuri dhe varfëri, i rrëfen Sheherazadja. Përralla e parë ngjan me fillin, në të cilin mblidhen, porsi perlat, gjithë përrallat e tjera, e krijojnë një gjerdan të shumëçmuar rrëfenjash. Një mijë e një net mund ta lexojnë fëmijët, por nuk është aspak i padenjë për të rriturit që dëshirojnë të ruajnë qashtërinë e fantazisë fëmijërore.